健康知识选好蔬菜搭水果，健康心生活作者

健康知识：选好蔬菜搭水果，健康心生活

作者陈星池高键

改编岑然周

朗读牛美华

资料来源：复旦中山心脏康复

医院营养科

大家侪晓得，辣医生制定个心血管疾病整体治疗方案当中，生活习惯搭膳食调理成为了必勿可少个内容。今朝个健康知识就搭对大家讲一讲：选好有益于心血管健康个蔬菜搭水果，以及平常哪能介制备搭食用迭些蔬菜、水果。

人体血液当中个同型半胱氨酸是引起动脉粥样硬化个因素之一。果蔬当中个B族维生素（像B6，B12搭叶酸）可以有效降低迭一物质，延缓冠心病、动脉硬化个进展。所以讲，心血管疾病患者每日天侪应该适当吃一眼颜色深个蔬菜，像菠菜、芥菜、油菜、莴笋叶、小白菜、龙须菜、羽衣甘蓝......；还有十字花科蔬菜，像卷心菜、花椰菜搭西兰花咾啥。还可以吃一眼属于深色蔬菜个红色、桔红色蔬菜，像番茄、胡萝卜、南瓜咾啥。紫红色蔬菜像米苋搭紫甘蓝也是应季个好选择。

下面呢再讲讲水果个选择：

水果应该选择富含各种维生素个种类，可以起到扩张血管、降低血压、降低胆固醇个作用，像樱桃、香蕉、柠檬、柿子、木瓜、杨梅、甜橙、酸枣、山楂、石榴、葡萄、柑橘、草莓、猕猴桃咾啥。迭眼新鲜水果当中，红色、橘黄色水果像新鲜个山楂果、柠檬、还有蔬菜当中个南瓜搭仔胡萝卜咾啥富含维生素C，对高血脂个人最最合适。

辣辣水果、蔬菜、豆类搭茶叶迭些食源性植物里有黄酮类化合物，伊具有降低血管个脆性、稳定血压、降低胆固醇个药用价值，可以降低心脑血管疾病个风险。辣辣果蔬当中含黄酮类物质最高个是红色洋葱，其次为甜椒、芹菜、苹果、草莓、葡萄搭胡萝卜。同时，含有高钾个果蔬起到降血压，防止动脉胆固醇沉积，延缓冠心病搭血管硬化发展个作用。果蔬当中含钾比较高个果蔬有柑橘类、香蕉、草莓、葡萄、西瓜、菠菜、山药、毛豆、米苋、大葱咾啥。

需要注意个是，心血管勿大好个人一定要选择新鲜个应季果蔬，吃个前头要汰清爽，减少有害物质个残留。中国居民膳食指南建议每日蔬菜应当摄入-g，水果-g。一般轻症患者每日应保证进食g蔬菜搭仔g水果，重症患者比如患有心力衰竭个，应该遵循医生个关照进食。

心血管疾病患者一日天个蔬菜搭水果摄入量可以分散到一日三餐搭副餐当中。用勿着一记头吃光全天个量，也勿要过量摄入甚至忽略了其他食物种类。辣烹调蔬菜辰光要保证新鲜，少盐少油，先汰后切。最好做成蔬菜沙拉直接生吃，可以加眼低脂个沙拉酱。没办法接受吃生菜个患者，蒸，冷拌搭白灼个食用方法更加营养健康。心血管疾病患者每日个水果可分配辣三顿饭后休息个辰光吃。除脱新鲜水果外，还可以每日带个一小袋当零食吃个没额外添加糖搭其他添加剂个红枣干、蓝莓干搭葡萄干。工作生活节奏紧张个说话，辣屋里现做现饮一杯鲜榨果汁（苹果汁，橙汁）蔬菜汁（胡萝卜汁，西芹汁）搿能样子可以节约勿少辰光搭精力。还可以拿几种水果切块拌成适量个水果沙拉辣一天里向吃脱。黄瓜，西芹搭胡萝卜提前汰清爽，切好摆勒冰箱里，方便自家第二天享用。

眼门前是冬季。冬季个时令蔬菜有黄芽菜、胡萝卜、白萝卜、豆芽、菠菜、青菜咾啥。市面浪最常见个水果有苹果、红枣（干）、香蕉、橘子、甜橙搭生梨，还有其他像山楂、木瓜搭柿子。为了一目了然，大家可以拿搿眼蔬菜水果分别做两张清单。每日天，蔬菜清单当中选择至少3样（一半深色蔬菜），水果当中至少2-3样（红色，橘色水果优先）。蔬菜搭水果可以有迭能个安排：

早饭：1根香蕉（搭其余早饭食物一道吃）；

中饭：清炒黄芽菜（少油少盐），番茄蛋汤（其他食品另外考虑）；

下半日：5-6只干个红枣，可以生吃也可以做成红枣茶；

夜饭：冷拌菠菜，青菜细面；

夜饭吃过到睏觉前头:1只甜橙。

迭能安排一日天个蔬菜搭水果，吃进去个营养基本浪侪可以达到了。

复旦中山心脏康复｜图文制作

部分图片｜来源网络

作者：

陈星池医院营养科营养师

高键医学博士，副主任营养师。医院营养科主任。

目前担任中国营养学会老年营养分会委员、上海营养学会理事、上海市临床营养质控中心专家组成员、中国抗癌协会肿瘤营养与支持治疗专业委员会科普分会委员、中华预防医学会健康风险评估与控制专业委员会心脏康复学组副主任委员。长期参与各类疾病的营养治疗，擅长糖尿病、肾病等慢性疾病、术后放化疗后营养不良、亚健康人群、孕妇乳母、老年人等特殊人群的营养指导。年、年卫生部“中国强企业员工健康行”、年卫生部“营养中国行”特邀科普专家。上海电视台、东方电视台、东方广播电台多个健康养生节目营养咨询专家。主编《吃对就健康》、《盐与健康》等科普著作，已发表科普文章超过篇，进行健康讲座超过场。

资料来源：选好蔬和果，健康心生活原创-02-22陈星池高键复旦中山心脏康复医院营养科

请您欣赏牛美华老师朗读的更多作品！

上海话：禽肉吃得好，健康迎新年作者：费嘉庆高键改编杨张悦朗读牛美华

心脏勿大好个人出门旅行须知作者：弭守玲庄蕾改编：岑然周朗读：牛美华资料来源：复旦心脏康复

心血管勿大好个人哪能介选择烹调油，“油”侬决定作者：汪敏俐高键改编：杨张悦朗读：牛美华

“侬姓啥？”上海人的姓氏读起来嘎有噱头啊！-02-03上海发布（上海人介绍姓啥作者陈坚朗读牛美华原创-01-26陈坚朗读牛美华学上海话）

吃了那么多年“烂糊面”，你知道它为啥那么香吗？-09-24上海发布（烂糊面与烂糊三鲜汤朗读：牛美华原创-09-18朗读：牛美华学上海话）

吃了那么多年“烂糊面”，你知道它为啥那么香吗？-10-02上海徐汇（烂糊面与烂糊三鲜汤朗读：牛美华原创-09-18朗读：牛美华学上海话）

16岁当大人16两当1斤作者：杨张悦改编、朗读牛美华

请您多多分享，多多点赞！谢谢！

欣赏完记得点赞和分享哦！谢谢！

陈星池高键